By using this site, you agree to the Privacy Policy and Terms of Use.
Accept
Kosova TimesKosova Times
Notification Show More
Latest News
Lista Serbe dorëzon ankesë në Gjykatën Kushtetuese
August 30, 2025
Ha çfarë të duash, paguaj sa të mundesh – një koncept i ri për një restorant me yje Michelin
August 30, 2025
Autobusë nate me klasin luks biznesi po vijnë në Evropë
August 30, 2025
Pse Putini e shpalli njeriun e tij armik
August 30, 2025
Drama e Bruce Willis, zhvendosja në një shtëpi të ndarë nga familja e tij
August 30, 2025
Aa
  • Ballina
  • Politikë
    • Lajme
    • Tema
    • Gjeopolitikë
    • Opinion
  • Rajon / Botë
  • Ekonomi
    • Lajme
    • Tema
    • Financa
    • Turizëm
    • Bujqësi
  • Kulturë
    • Lajme
    • ShowBiz
    • Moda
  • Shëndetësi
  • Sport
  • Hi-tech
    • Teknologji
    • Shkencë
Reading: Lista Serbe: Punonjësit e institucioneve serbe do të vazhdojnë të paguhen
Share
Aa
Kosova TimesKosova Times
Search
  • Home
    • Home News
    • Home 2
    • Home 3
    • Home 4
    • Home 5
  • Categories
  • Bookmarks
    • Customize Interests
    • My Bookmarks
  • More Foxiz
    • Blog Index
    • Sitemap
Have an existing account? Sign In
Follow US
Kosova Times > Blog > Politikë > Lajme > Lista Serbe: Punonjësit e institucioneve serbe do të vazhdojnë të paguhen
Lajme

Lista Serbe: Punonjësit e institucioneve serbe do të vazhdojnë të paguhen

Kosova Times
Last updated: 2025/01/15 at 8:03 PM
Kosova Times Published January 15, 2025
Share
SHARE

Kryetari i Listës Serbe, Zllatan Ellek, deklaroi se të gjithë punonjësit e institucioneve paralele serbe, që u mbyllën më 15 janar nga autoritetet kosovare, do të vazhdojnë të marrin paga dhe se kjo parti “do të vazhdojë të luftojë me të gjitha mjetet dhe t’i fitojë zgjedhjet për të mbrojtur popullin serb”.

Zgjedhjet parlamentare në Kosovë do të mbahen më 9 shkurt, dhe Lista Serbe është i vetmi opsion politik në mesin e komunitetit serb që ka mbështetjen e Beogradit për të marrë pjesë në to.

Lista Serbe, pas mbylljes së shumicës së institucioneve që veprojnë në sistemin serb në jug të Ibrit nga Qeveria e Kosovës me mbështetjen e policisë, mbajti një takim të Kryesisë dhe nxori disa përfundime.

Disa prej tyre, sipas Ellek, janë që të vazhdojnë konsultimet me Serbinë për hapat e mëtejshëm dhe të kërkojnë shpjegime nga komuniteti ndërkombëtar “përse mbështesin veprimet e [kryeministrit të Kosovës Albin] Kurtit”.

“Ndoshta përkohësisht mund të mbyllin ndërtesat, por nuk mund ta ndalojnë ndihmën e shtetit të Serbisë, as nuk mund ta ndalojnë Listën Serbe që të kujdeset për popullin e saj dhe të marrë pjesë në këto zgjedhje”, tha ai.

Gazetarëve iu drejtuan edhe kryetarët e organeve të përkohshme komunale të Vushtrrisë dhe Lipjanit, të cilët veprojnë në sistemin serb, Millan Kostiq dhe Millan Joksimoviq.

Kostiq deklaroi se 60 punonjës të komunës serbe të Vushtrrisë nuk do të mbeten pa paga dhe se “Kurti nuk i ka frikësuar”.

Joksimoviq tha se komuna e Lipjanit ka ofruar shërbime për rreth 10.000 qytetarë dhe se këta nuk do të privohen nga shërbimet, as nuk do të mbeten pa paga 150 punonjës nga buxheti i Serbisë.

Përndryshe, Kostiq dhe Joksimoviq janë edhe deputetë të Listës Serbe në Kuvendin e Kosovës, por që nga nëntori i vitit 2022 kanë bojkotuar seancat, duke shkuar vetëm për t’u nënshkruar çdo gjashtë muaj për të mos humbur mandatet dhe pagat.

Kur u pyetën nga gazetarët se si deputetët e Listës Serbe kanë mbrojtur interesat e komunitetit serb gjatë dhjetë vjetëve të fundit dhe sa herë janë paraqitur për të folur për problemet, zyrtari i Listës Serbe, Igor Simiq, fillimisht shprehu pakënaqësi për “pyetje jashtë teme”.

Më pas shtoi se ai ka folur në Kuvendin e Kosovës dhe se Lista Serbe do të vazhdojë të luftojë për interesat e popullit serb dhe për praninë e Serbisë. Ai tha se në nëntor 2022 morën vendimin për t’i lënë institucionet e Kosovës për të tërhequr vëmendjen e opinionit ndërkombëtar ndaj vendimeve të Qeverisë së Kosovës, konkretisht për heqjen e targave serbe.

Në një pyetje shtesë nëse kishin arritur qëllimin dhe pse tani hyjnë përsëri në garë për mandate deputetësh, Simiq u përgjigj: “Duket se nuk po i qëndrojmë temës, ju lutem bëni pyetje që lidhen me mbylljen e organeve të përkohshme”.

“Në këtë mënyrë po largoni vëmendjen nga diçka që është e rëndësishme për serbët, sepse mbyllja e dhjetë komunave që punonin në sistemin serb rrezikon jetën normale të dhjetëra mijëra serbëve. Besoj se edhe ju keni interes për popullin serb”, tha Simiq.

Ai theksoi se do të gjendet një mënyrë që asnjë qytetar të mos privohet nga shërbimet që ofrojnë institucionet serbe dhe se janë në konsultime për të arritur këtë.

Disa punonjës të institucioneve serbe të mbyllura tashmë shkojnë në punë në zyra alternative të vendosura në kontejnerë të zinj pranë pikave kufitare Bërnjak, Jarinjë dhe Merdare.

Presidenti i Serbisë, Aleksandar Vuçiq, në mes të shtatorit paralajmëroi hapjen e “zyrave moderne” nga ana serbe e pikave kufitare. Ai premtoi gjithashtu rritje të pagave për të gjithë ata që udhëtojnë, që të mbulohen shpenzimet e tyre.

Igor Simiq theksoi gjithashtu se Serbia ndan fonde të mëdha për paga, pensione apo pagesa të tjera, nga të cilat përfitojnë rreth 75.000 qytetarë nga Kosova.

Prokuroria Themelore në Prishtinë më 15 janar njoftoi se nuk i ka dhënë leje Policisë së Kosovës për bastisjen e lokacioneve në komunat në jug të Ibrit për shkak të dyshimeve se në to funksiononin institucione paralele serbe.

Ndërkohë, policia u përgjigj se kanë vepruar në bashkëpunim dhe koordinim me institucionet përkatëse të Kosovës, Ministrinë e Administratës së Vetëqeverisjes Lokale dhe Ministrinë e Industrisë, Ndërmarrësisë dhe Tregtisë.

Shtetet e Bashkuara, Bashkimi Evropian dhe Gjermania e kanë kundërshtuar të mërkurën vendimin e autoriteteve të Kosovës për mbylljen e institucioneve paralele serbe në vend, duke thënë se ato ndikojnë në synimet e Kosovës për t’iu bashkuar komunitetit euroatlantik.

Institucionet e Kosovës i konsiderojnë të paligjshme ato të Serbisë dhe mbyllja e tyre filloi në fillim të vitit 2024.

Përveç organeve të përkohshme komunale dhe ndërmarrjeve të tyre publike, u mbyllën edhe Posta e Serbisë në veri, Banka Postare Kursimorë, Thesari i Bankës Kombëtare, Drejtoria e Fondit për Sigurimin Pensional dhe Invalidor, Rrethi Administrativ i Mitrovicës së Kosovës dhe të tjera. Kryesisht kanë vazhduar të funksionojnë vetëm institucionet arsimore dhe shëndetësore, të cilat në zonat serbe gjithashtu punojnë në sistemin serb.

You Might Also Like

Lista Serbe dorëzon ankesë në Gjykatën Kushtetuese

BDI: Sërish atentat mbi Marrëveshjen e Ohrit

I kërkuar ndërkombëtarisht, arrestohet në Spanjë 25-vjeçari nga Shqipëria

Nis restaurimi i Xhamisë së Burojës, një nga më të vjetrat në Drenicë

Arrestohen dy persona në Podujevë, për trafikim me njerëz

Kosova Times January 15, 2025
Share this Article
Facebook Twitter Email Print

Follow US

Find US on Social Medias
Facebook Like
Twitter Follow
Youtube Subscribe
Telegram Follow

Weekly Newsletter

Subscribe to our newsletter to get our newest articles instantly!

[mc4wp_form]
Popular News
Lajme

Çitaku: PDK do ta padisë për shpifje deputeten e VV-së

Kosova Times Kosova Times November 29, 2024
Policia operacion blic, shoqërohen 15 persona
Lajçak: Serbia e Kosova duhet të tregohen të përmbajtshme
Fqinjët e gjejnë të vdekur një grua në Reçan të Prizren
Danas: Largimi strategjik i Vuçiqit nga Putini?
- Advertisement -
Ad imageAd image
Global Coronavirus Cases

Confirmed

0

Death

0

More Information:Covid-19 Statistics

Kategoritë

  • Politikë
  • Rajon / Botë
  • Ekonomi
  • Kulturë
  • Shëndetësi
  • Sport
  • Hi - tech

About US

Kosova Times We influence 20 million users and is the number one business and technology news network on the planet.

Subscribe US

Subscribe to our newsletter to get our newest articles instantly!

[mc4wp_form]

© Kosova Times. All Rights Reserved.

Removed from reading list

Undo
Welcome Back!

Sign in to your account

Lost your password?