Presidentja e vendit, Vjosa Osmani, sot ishte në Reçak, aty ku 26-vjet më parë, thotë ajo, njerëzorja dhe mizorja patën ndeshjen më makabre në këtë pjesë të Evropës
Osmani, në një postim në Facebook, thotë se kujtesa jonë është mburojë kundër harresës dhe garanci që krime të tilla nuk do të përsëriten kurrë më.
“Sot ishim në Reçak, në fshatin e vogël me histori të madhe, aty ku 26-vjet më parë, njerëzorja dhe mizorja patën ndeshjen më makabre në këtë pjesë të Evropës. Kujtesa jonë është mburojë kundër harresës dhe garanci që krime të tilla nuk do të përsëriten kurrë më. Të rinj, të reja e fëmijë që takuam sot, janë brezi i ri i Reçakut, pasardhësit e viktimave, që dëshmojnë pathyeshmërinë e qëndresën e popullit tonë, përkundër sakrificës e dhimbjes së madhe”, ka shkruar Osmani në Facebook.
