Sot në Bruksel pritet të zhvillohet takimi inaugurues i Komisionit të Përbashkët të Kosovës dhe Serbisë për çështjen e personave të zhdukur.
Ky komision u krijua në bazë të marrëveshjes së arritur vitin e kaluar, si pjesë e dialogut të normalizimit të raporteve mes dy vendeve, të ndërmjetësuar nga Bashkimi Evropian, për zbatimin e Deklaratës për Personat e Zhdukur.
Aktualisht në Kosovë ende rezultojnë të zhdukur 1,612 persona nga periudha e luftës.
“Takimi ka për qëllim përcaktimin e planit të punës për seancat e ardhshme, si dhe adresimin e disa çështjeve të rëndësishme për çështjen e personave të zhdukur. Në këtë kontekst, delegacioni ynë do të prezantojë disa kërkesa kyçe, që ndërlidhen kryesisht me monitorimin e zbatimit të Deklaratës për Personat e Zhdukur, me fokus të veçantë në shkresën për arkivat, të cilën e kemi adresuar tek Vuçiq, dhe çështje tjera të rëndësishme në këtë fushë…”, ka thënë Hoti.
Teksa edhe emisari i BE-së për dialogun Kosovë-Serbi, Miroslav Lajçak, gjithashtu ndau qëndrimin e tij mbi rëndësinë e këtij procesi. Në një postim në Facebook, ai bëri të ditur se fokus i punës së tij këtë javë është pikërisht çështja e personave të zhdukur, duke theksuar domosdoshmërinë e avancimit të dialogut përmes bashkëpunimit të ndërsjellë.
