Spekulimet u nxitën sërish nga fakti se Michelle nuk mori pjesë në funeralin e ish-presidentit Jimmy Carter më 9 janar 2025, si dhe njoftimi se ajo nuk do të jetë e pranishme në inaugurimin e Presidentit të sapozgjedhur Donald Trump më 20 janar. 2025.
Mungesa e saj shkaktoi spekulime të shumta për probleme të mundshme martesore. Edhe pse u konfirmua se Barack Obama do të merrte pjesë në inaugurim, publiku dhe media nuk kishin asnjë informacion zyrtar për arsyet e mungesës së Michelle.
Kjo situatë ka shkaktuar debat në rrjetet sociale dhe në media. Edhe pse kohë pas kohe në media u shfaqën thashetheme për mosmarrëveshje martesore të këtij çifti ndër vite, ata janë ende bashkë, dhe publikisht theksuan se kaluan periudha të vështira me mirëkuptim dhe mbështetje reciproke.
Michelle Obama foli hapur disa herë për sfidat në martesën e saj, duke përmendur presionet që ka sjellë karriera dhe prindërimi, por edhe duke theksuar sesi të dy i kapërcejnë me sukses këto pengesa.
Megjithatë, as Barack dhe as Michelle nuk kanë komentuar ende këto thashetheme të fundit që kanë ngritur edhe një herë pikëpyetje për martesën e tyre.
Çifti u takua në vitin 1989 ndërsa Michelle punonte si mentore në firmën ligjore Sidley Austin, ku Barack ishte praktikant. Ata u martuan në vitin 1992 dhe kanë dy vajza, Malia dhe Sasha.
Martesa e tyre, e cila prej kohësh është objekt i vëmendjes së publikut, ka kaluar nëpër shumë sfida, por ata gjithmonë kanë theksuar se kanë qëndruar bashkë për shkak të forcës së dashurisë dhe vlerave të përbashkëta.
