Presidentja e Kosovës, Vjosa Osmani ka bërë sot homazhe në Dubovik në nderim të Jusuf e Bardhosh Gërvallës si dhe në Prishtinë tek busti i Kadri Zekës.
Në njoftimin nga Presidenca thuhet se me këtë rast presidentja Osmani deklaroi se vrasja e tyre ishte një përpjekje për t`i shuar këta zëra të fuqishëm të kauzës dhe rezistencës sonë kombëtare:
“Sot, sikurse çdo vit, në Dubovik për t’i nderuar patriotët Jusuf dhe Bardhosh Gërvalla, të cilët 43 vjet më parë, së bashku me Kadri Zekën, u vranë pabesisht në një atentat në Gjermani. Vrasja e tyre ishte një përpjekje për t`i shuar këta zëra të fuqishëm të kauzës dhe rezistencës sonë kombëtare. Por, historia e ka dëshmuar se e vërteta dhe idealet nuk mund të vriten asnjëherë”.
“Lavdi jetës dhe veprës së Jusuf e Bardhosh Gërvallës dhe Kadri Zekës!”, citohet të ketë thënë Osmani. /Kosovatimes/
