Mes mbetjeve të qytetit romak të Pompeit, i cili u varros nga llava vullkanike 2000 vjet më parë, arkeologët kanë gjetur një banjë private të gjerë dhe jashtëzakonisht të ruajtur, ndoshta më e madhja e gjetur në atë vend, raportuan sot mediat.
Është një kompleks në hyrje të një rezidence që përbëhet nga dhoma për ujë të nxehtë, të ngrohtë dhe të ftohtë, si dhe një pishinë të madhe, dhe është zbukuruar me vepra të jashtëzakonshme arti, raportoi BBC.
– Zbulimi i hapësirave të tilla të bën të ndihesh sikur dikush ishte aty vetëm pak minuta më parë – tha drejtori i Parkut Arkeologjik të Pompeit, Gabriel Zuchtrigel.
Analiza e dy skeleteve të gjetura në rezidencë tregon të gjithë dramën e përjetuar nga banorët e atij qyteti antik pas shpërthimit të malit Vezuv.
U gjetën skelete të një gruaje që mbante në krahë bizhuteri dhe monedha dhe një burri. Ata u barrikaduan në një dhomë të vogël, por u vranë nga një valë gazi vullkanik dhe hiri që shkatërroi të gjithë qytetin.
Një e treta e qytetit antik ende shtrihet nën mbetjet vullkanike, por gërmimet e reja ofrojnë një mundësi për njohuri të mëtejshme në jetën e romakëve të lashtë.
