Leon Goretzka ka qenë kryeprotagonisti i fitores së Bayern Munich ndaj Wolsburg në “Allianz Arena”, duke thelluar avantazhin në krye të Bundesligës ndaj Bayer Leverkusen.
Rezultati përfundimtar i takimit të vlefshëm për Bundesliga ka qenë 3-2.
Skuadra e drejtuar nga Vincent Kompany ka dominuar që në fillim dhe ka kalouar në avantazh pas njëzet minutash. Joshua Kimmich asistoi për Goretzka, i cili ka gjuajtur nga jashtë zonës, duke e dërguar topin në këndin e poshtëm të majtë të portës.
Gjithsesi, epërsia e Bayern nuk ka qenë jetëgjatë. Vetëm katër minuta më pas, sulmuesi algjerian Mohamed Amoura ka realizuarr pas një skeme të ekzekutuar nga goditja e lirë, duke barazuar shifrat.
Pavarësisht barazimit, Bayern e ka rikthyer avantazhin gjashtë minuta para fundit të pjesës së parë, kur Michael Olise ka gjuajtur saktë duke e dërguar topin në rrjetë.
Në pjesën e dytë, Bayern ka vazhduar dominimin, duke krijuar disa raste të rrezikshme. Pesë minuta pas rifillimit, Kingsley Coman ka krosuar për Leroy Sane, por tentativa me kokë e këtij të fundit ka kaluar pranë shtyllës. Goli i tretë ka ardhur më në fund kur Olise ka ekzekutuar një goditje të dënimit, të cilën Goretzka e ka devijuar me kokë, duke dyfishuar epërsinë për vendasit.
Bayern mund të kishte shënuar edhe një herë pesë minuta para fundit, kur Jamal Musiala ka humbur një mundësi të pastër pas një pasimi të Alphonso Davies.
Nga ana tjetër, Wolfsburg e ka ngushtuar rezultatin në minutat e fundit. Mohamed Amoura ka realizuar golin e tij të dytë, duke shfrytëzuar një pasim të Tiago Tomas dhe duke dërguar topin në këndin e djathtë të portës.
Pas kësaj ndeshje, Bayern kryeson tabelën me dyzet e pesë pikë, shtatë më shumë se sa Leverkusen në vendin e dytë e që poashtu luan sonte. Ndërsa Wolsburg gjendet në vendin e shtatë me njëzet e shtatë pikë.
