Zëdhënësi i Lidhjes Demokratike të Kosovës, Besian Mustafa, edhe sot mbajti konferencë për media para gazetarëve nga selia kësaj partie, nga ka deklaruar se mbështetja për LDK-në po rritet çdo ditë e më shumë.
Mustafa e ka cilësuar “entuziazmin në rritje si tregues të qartë të gatishmërisë së Kosovës për ndryshim”.
Gjatë fjalimit të tij ai i bëri thirrje qytetarëve që votën e tyre mos ta neglizhojnë dhe të vendosin për të mirën e vendit për katër vitet e ardhshme. Ai ka thënë se çdo ditë që kalon më shumë njerëz po i bashkohen LDK-së. Kosova, sipas tij, është e gatshme për ndryshim.
“Ka prezence në numra rekord në çdo tubim të LDK-së më çdo lagje, fshat e qytet të Kosovës, siç pamë dje në Deçan, Junik e Baran”, tha pos tjerash Mustafa.
Këto zgjedhje, sipas tij, janë etike, “nëse ja doni të mirën të ardhmes se Kosovës nuk mund të qëndronin në shtëpi, nuk mund të qëndronin neutral”, ka thënë Mustafa.
