Gjilani ishte destinacioni i Lëvizjes Vetëvendosje, të premten, në ditën e tetë të fushatës zgjedhore, për shpalosjen e programit për zgjedhjet e 9 shkurtit.
Ky subjekt politik, përmes një postimi në Facebook, falënderon qytetarët që mbështesin subjektin e tyre politik.
“Në kryeqendrën e Anamoravës, të lindjes së Kosovës e të Kosovës lindore, të maleve të Karadakut e të Luginës së Preshevës, në Gjilanin e dashur e mikpritës, të punëtorëve të zellshëm e veprimtarëve patriotë. Duke votuar masivisht numrin 118, fitojmë bashkërisht më 9 shkurt. Faleminderit shumë për gjithë përkrahjen nga zemra e gjithë mbështetjen e pakursyer ndaj Lëvizjes Vetëvendosje”, falenderon LVV përmes Facebook. /Kosovatimes/
