Koalicioni për Kosovën Fituese ishte në Skënderaj, nga atje kryetari i NISMA Socialdemokrate, Fatmir Limaj, ka thënë se ky është momenti i duhur për të treguar se bashkimi është forca, për të ndërtuar një të ardhme më të mirë për të gjithë qytetarët.
“Ne nuk bashkohemi për të mundur të tjerët, ne bashkohemi për të fituar Kosova, e kaluara jonë tregon se çdo herë kur jemi të bashkuar, Kosova ka fituar”, ka thënë Limaj.
Ai është shprehur se Kosova ka nevojë për njerëz racionalë, të urtë dhe me vepra konkrete, jo thjesht fjalë të bukura.
“Ne, si koalicion, jemi bashkuar për ta ndaluar përçarjen dhe për të siguruar një të ardhme të qëndrueshme dhe të zhvilluar për të gjithë”, ka shtuar Limaj.
“veçVEPRA është ajo që do të na ndihmojë të ecim përpara, jo fjalët që ndajnë. Prandaj, bashkë për Kosovën fituese, veçVEPRA”, ka thënë Limaj. /Kosovatimes/
