Real Madrid ka regjistruar një fitore bindëse 4-1 ndaj Las Palmas në ndeshjen e Javës së njëzet në La Liga, e zhvilluar në “Santiago Bernabeu”.
Kjo fitore i ka rikthyer madrilenët në krye të tabelës, duke kaluar rivalët e Atletico Madrid.
Ndeshja nuk ka filluar mirë për vendasit, pasi pas vetëm njëzet e tetë sekondash, Fabio Silva ka realizuar për Las Palmas pas një harkimi të saktë nga Sandro Ramírez.
Megjithatë, skuadra e Carlo Ancelotti ka reaguar shpejt. Pasi humbjes së disa rasteve të mira me Brahim Díaz dhe Kylian Mbappe, barazimi ka ardhur përmes një penalltie të realizuar nga Mbappe, pas një faulli të Sandro ndaj Rodrygo.
Real Madrid e ka marrë kontrollin e plotë dhe e ka vazhduar presionin. Brahim Díaz ka kaluar madrilenët në epërsi duke shfrytëzuar një asistim nga Lucas Vazquez, ndërsa Mbappe ka shënuar golin e tretë vetëm tre minuta më vonë. Me këtë epërsi prej dy golash, skuadrat kanë shkuar në pushim.
Në pjesën e dytë, madrilenët kanë vazhduar dominimin. Mbappe ishte ka qenë protagonist në aksionin që ka çuar në golin e katërt, kur Fran García ka asistuar për Rodrygo, i cili e ka dërguar topin në rrjetë.
Las Palmas e ka humbur ritmin e lojës dhe situata është përkeqësuar kur Benito Ramirez është ndëshkuar për një ndërhyrje të gabuar ndaj Vazquez.
Jude Bellingham ka menduar se kishte shënuar një gol tjetër për madrilenët, por është anuluar për pozicion jashtë loje të Antonio Rüdiger. Real Madrid ka shënuar edhe dy herë të tjera përmes Valverdes dhe Mbappe, por të dy golat janë anuluar për shkak të pozicioneve jashtë loje.
Pas kësaj ndeshje, Las Palmas duhet të luftojë për mbijetesë, duke mbetur vetëm tri pikë mbi zonën e rënies.
