Zjarri është shuar, ndërsa në shuarje kanë marrë pjesë një numër i madh i zjarrfikësve dhe makinave zjarrfikëse. Violeta Nikoliq nga Instituti për Asistencë Mjekësore Emergjente tha për RTS se kanë marrë një telefonatë nga zjarrfikësit për një zjarr në një shtëpi për të moshuar në Veliki Bork, Barajevë.
Ajo ka thënë se katër persona të lënduar janë transportuar në repartin e toksikologjisë në Akademinë Mjekësore Ushtarake, ndërsa dy persona janë trajtuar në Qendrën Emergjente. Katër ekipe nga Instituti për Ndihmë Mjekësore Emergjente janë dërguar për të intervenuar, së bashku me dy ekipe shtesë nga Lazarevaci dhe një nga Barajeva.
Ushtruesi i detyrës së ndihmës ministrit dhe shefi i Departamentit për Situata Emergjente, Luka Čaušić tha për RTS se supozohet se në ndërtesë në momentin e zjarrit kanë qenë 30 përdorues. Siç tha ai, autoambulanca ka trajtuar shtatë persona të lënduar dhe i ka transportuar në Akademinë Mjekësore Ushtarake (VMA) dhe në Qendrën Emergjente.
Sipas tij, pas raportimit në orën 03:32, në vendngjarje janë dërguar menjëherë njësitet e Sektorit të Emergjencave, ku kanë konstatuar zjarrin në fazë të furishme.
“Aktualisht është ende duke u kontrolluar nëse ka mbetur burime të zjarrit që mund të shkaktojnë përhapjen e tij, ndërsa shkaku do të përcaktohet në orët në vijim”, tha Çaushiq.
Ai shtoi se shtëpia e të moshuarve ndodhet larg rrugëve të frekuentuara, por forcat zjarrfikëse kanë mbërritur shpejt dhe të lënduarve iu është ofruar ndihmë në kohë rekord.
“Kjo është një tragjedi e madhe, por mund të ishte shumë më e madhe”, përfundoi Çaushiq.
