Policia Rajonale e Ferizajt ka ndërmarrë një sërë aktivitetesh brenda një jave në këtë rajon.
Përmes një njoftimi nga policia, thuhet se gjatë javës që shkoi, nga data 13 deri më 19 janar janë raportuar 11 raste të vjedhjeve.
Nëntë raste janë raportuar në Ferizaj dhe nga një rast në Kaçanik e në Shtime.
Po ashtu, thuhet se janë raportuar gjashtë raste të dhunës më familje, prej tyre katër raste në Ferizaj, një në Shtime dhe një në Kaçanik.
“Në rajonin e Ferizajt policia ka arrestuar 37 persona të kërkuar me urdhëresa të gjykatave kompetente për vepra të ndryshme penale dhe kundërvajtëse”, thuhet në njoftim.
Policia Rajonale e Ferizajt ka ftuar qytetarët që të bashkëpunojnë me zyrtarët policor dhe për të gjitha rastet kriminale, të njoftojnë menjëherë stacionin më të afërt të policisë apo përmes aplikacionit digjital ‘’Lajmëro Policinë‘’ dhe telefonit në numrin 192.
