Kandidati i Lidhjes Demokratike të Kosovës për Kryeministër, Lumir Abdixhiku, gjatë fjalimit në tubimin e LDK-së në Vushtrri, deklaroi se nën udhëheqjen e tij, relacionet mes Kosovës dhe ShBA-së do të jenë “të shkëlqyeshme, të pathyeshme dhe të pazëvendësueshme!”
Abdixhiku gjithashtu ka uruar presidentin e zgjedhur të ShBA-së, Donald Trump për inaugurimin e tij zyrtar.
“Siç do të thoshte Presidenti Rugova, më lejoni që nga Vushtrria t’i shpreh urimet më të mirat të LDK-së dhe të popullit të Kosovës për Presidentin amerikan, për marrjen e detyrës pas inaugurimit. Urojmë gjithë të mirat për popullin e madh amerikan, mikun tonë më të madh. Zotohem nga këtu se në Qverinë tonë të ardhshme, relacionet tona me ShBA-të, si përherë, do të jenë të shkëlqyeshme”, tha ndër tjera Abdixhiku.
