Komisioni Qendror i Zgjedhjeve akreditoi edhe 15 mijë e 889 vëzhgues të 21 subjekteve të ndryshme politike të cilat janë të certifikuara për pjesëmarrje në zgjedhjet e 9 shkurti.
Në përgjithësi, numri i vëzhguesve të akredituar deri më tani nga KQZ dhe që u takojnë subjekteve 21 subjekteve politike është 18 mijë e 163 vëzhgues.
Anëtarët e KQZ-së miratuan edhe pikën sipas të cilës transporti i materialit zgjedhor nga qendrat komunave drejt këshillave të vendvotimit të bëhet përmes kombibusëve dhe kamionëve, e jo me mjete private të kryesuesve.
Gjithashtu, u aprovuan kërkesat që të bëhet zëvendësimi i anëtarit të komisionit komunal të zgjedhjeve në komunën e Deçanit.
KQZ miratoi edhe ndërrimin e lokacionit të qendrës komunale të numërimit për komunën e Gjilanit dhe të Skënderajt.
