Kandidati për kryeministër nga koalicioni AAK – NISMA – Konservatorët – Forumi intelektual e30 – Ideal, Ramush Haradinaj ka listuar 10 top prioritet e programit të tyre nën moton “Kosova Fituese”.
Përveç anëtarësimit direkt në NATO, ashtu siç e ka cilësuar Haradinaj, në mesin e prioriteteve është edhe paga mesatare 1000 euro, ndërkaq pensionet mbi 500 euro.
“Rritje ekonomike deri në 7%; 1 miliard euro për biznese të reja dhe ato prodhuese-eksportuese; Buxhet për përmbylljen e projekteve rrugore që kanë mbetur në gjysmë dhe autostradën e Dukagjinit; 1500 MW energji e prodhuar në Kosovë”, janë disa nga prioritetet që i ka shpalosur Haradinaj.
Ai po ashtu ka premtuar ndërtimin e Qendrës Kombëtare për Inovacion dhe Teknologji, 6% e GDP për edukim e arsim – reformë të thellë të sistemit shëndetësor, integrimin e mërgatës si pjesë e vendimmarrjes e me status të investitorëve strategjikë si dhe pension pa shkëputje nga puna për çlirimtarët. /Kosovatimes/
