“Koalicionit për Familje” ka hapur fushatën zgjedhore në Gjakovë. Përfaqësues të Koalicionit folën për rolin e familjes si themel i një shoqërie të shëndosh.
Visar Korenica nga ky koalicion, tha se politikat e tyre janë në bashkërendim me ato amerikane. Në këtë rast ai premtoi ruajtjen e vlerave të familjes e mbështetje financiare për nënat.
“Çdo grua që lind fëmijën e parë, për çdo muaj do të marrë nga 500 euro për dy vite rresht. Për të dytin nga 750 euro kurse për më shumë, nënat do të marrin nga 1 mijë euro pagë mujore. Po ashtu, do ta mbrojmë edhe pushimin e saj duke subvencionuar për kujdesin ndaj fëmijës dhe familjes”, theksoi ai.
Edhe kandidatët e tjerë për deputetë e bashkë-udhëheqës të koalicionit, shpalosen programin e tyre për duke ftuar qytetarët që mbështesin kauzën e tyre në mbrojtjen e familjes.
Ferid Agani nga ky koalicion premtoi foli për reforma në arsim, shëndetësi e hartim të politikave për familjen.
“Në programin tonë do të angazhohemi për një sistem të arsimit që do të promovojë vlerat etike dhe morale. Vëmendje të veçantë në programin tonë i kushtohet edhe sistemit shëndetësor duke ofruar qytetarëve sigurim publik shëndetësor”, tha ai.
Prijësi i këtij koalicioni, Selim Pacolli tha se familja është themel për një shoqëri të shëndosh.
“Sot jemi të gjithë bashkë për tu angazhuar për një të ardhme më të mirë, për një zhvillim të qëndrueshëm dhe për mbrojtjen e vlerave të familjes. Një nga vlerat tona që na bashkon në këtë parti është ajo për familjen, sepse ne e dimë mirë se sa e rëndësishme është familja në jetë. Ky është themel për një shoqëri të shenjtë, shëndosh dhe të fortë”, tha ai.
Fatmir Smajli nga ky koalicion, ftoi qytetarët për mbështetjen e koalicionit.
“Ne kërkojmë përkrahjen e juaj, Gjakova është simbol i guximit, sakrificës dhe vizionit. Ju keni treguar gjithmonë se kur familja eshtë e fortë, e ardhmja është edhe më e fortë”, shtoi ai.
Ky koalicion prezantoi edhe kandidatët për deputët nga Gjakova në zgjedhjet e 9 shkurtit.
