Kryetari i Partisë Liberale Egjiptiane, bartësi i listës zgjedhore të kësaj partie, Veton Berisha, ka kërkuar nga komuniteti i tij mbështetje për partinë që ai drejton, në zgjedhjet e 9 shkurtit.
“Populli im, të mbetet të dalësh e të votosh për Partine Liberale Egjiptiane me numrin 115 dhe mua si kandidat me numër 1”.
Ai ka thënë se sfidat nuk janë të lehta, por do të marrin përgjegjësi për përfaqësim, sic qytetarët e meritojnë.
“Mua dhe guximtarëve të PLE-së na mbetet të përballemi me sfida të cilat nuk janë të lehta, të marrim përgjegjësi që ju të keni një përfaqësim ashtu qysh ju e meritoni”, ka shkruar Berisha. /Kosovatimes/
