Kandidati për deputet dhe kryetari i NISMA-s, Fatmir Limaj, hvilloi një vizitë në një fabrikë të prodhimit të dyerve dhe dritareve në Ferizaj, ku diskutoi nga afër sfidat dhe vështirësitë me të cilat përballen prodhuesit vendorë.
“Prodhuesit vendorë janë baza e forcimit të shtetit”, deklaroi Limaj.
Ai vuri në pah rëndësinë e mbështetjes për bizneset vendore si një prioritet kyç për zhvillimin ekonomik, duke theksuar se fuqizimi i tyre ofron zhvillim dhe mirëqenie për qytetarët.
“Ne zotohemi se do të punojmë për ngritjen e kapaciteteve prodhuese dhe përkrahjen e plotë të biznesit vendor. Fuqizimi i prodhuesve vendorë është rruga drejt një shteti më të fuqishëm,” shtoi ai.
Limaj u bëri thirrje qytetarëve që më 9 shkurt të mbështesin koalicionin për Kosovën fituese, duke premtuar një qasje të re dhe konkrete për zhvillimin ekonomik të vendit – “Veç VEPRA!” Fatmir
Limaj: Komogllava për Kosovën fituese – “Veç VEPRA!”
Në një takim të mbajtur në Komogllavë të Ferizajt, Fatmir Limaj bisedoi me qytetarët mbi shqetësimet dhe sfidat kryesore me të cilat përballet vendi, duke theksuar domosdoshmërinë e ndryshimeve në qeverisje.
“Në çdo lagje, fshat dhe qytet ku po shkojmë, shihet qartë se qytetarët kanë nevojë për një qeverisje të drejtë dhe të barabartë,” tha Limaj. Ai theksoi se ekonomia, siguria dhe energjia janë ndër sfidat kryesore, por zgjidhja e tyre vjen vetëm nga ata që ofrojnë rezultate konkrete.
“Koalicioni ynë për Kosovën fituese është i përkushtuar për t’i dhënë vendit një drejtim të ri, gjithmonë në bashkëpunim me partnerët ndërkombëtarë,” përfundoi ai. /Kosovatimes/
