Mario Hermoso mund të përballet me një ndryshim të papritur në karrierën e tij pas një periudhe të vështirë te Roma.
Mbrojtësi spanjoll, i cili iu bashkua verdhekuqve gjatë merkatos verore si lojtar i lirë nga Atletico Madrid, nuk ka arritur të sigurojë vend si titullar në formacionin e Romës.
Në këto rrethana, Hermoso pritet të largohet nga Roma para përfundimit të sezonit të tij të parë. Destinacioni i ri duket të jetë Bayer Leverkusen, ku trajneri Xabi Alonso e konsideron atë si përforcimin kryesor për vijën mbrojtëse të skuadrës gjermane.
Kontrata aktuale e Hermoso-s me Romën është e vlefshme deri në vitin 2026, por Leverkusen synon ta transferojë fillimisht në formë huazimi, me një opsion për ta blerë përfundimisht në fund të sezonit. Negociatat mes dy klubeve janë në fazën përfundimtare, dhe marrëveshja pritet të mbyllet para përfundimit të afatit kalimtar dimëror.
