Përfaqësuesja e Lartë e BE-së për Politikë të Jashtme dhe Siguri, Kaja Kallas, i quajti të rreme zgjedhjet në Bjellorusi dhe tha se ato nuk ishin as të lira dhe as të drejta.
“Shtypja e pamëshirshme dhe e paprecedentë e të drejtave të njeriut, kufizimet në pjesëmarrjen politike dhe aksesi në mediat e pavarura në Bjellorusi e privuan procesin zgjedhor nga çdo legjitimitet”, tha ajo.
Në konferencën për shtyp, Lukashenko tha se nuk i intereson opinioni i Perëndimit apo sanksionet e BE-së.
Ai tha gjithashtu se parashikonte “një lloj zgjidhjeje” për luftën në Ukrainë në vitin 2025, që nuk do të thotë domosdoshmërisht një ndërprerje e plotë e luftimeve.
Lukashenko është një aleat i ngushtë i presidentit rus Vladimir Putin dhe Moska përdori territorin bjellorus pjesërisht për të nisur pushtimin e saj në Ukrainë në vitin 2022.
“Ne ndoshta do të vazhdojmë të përplasemi për një kohë të gjatë. Por do të ketë zgjidhje. Drita në fund të tunelit do të shfaqet këtë vit,” tha ai.
