Në qytetin e Tetovës shumica e rrugëve akoma mbajnë emra sllavë e antifashistë. Kryetari i kësaj komune ka thënë se është krijuar një projekt që të ndryshohen këta emra, ndërkaq, kreu i LSDM-së, ka kërkuar konsensus për këtë çështje.
Komuna e Tetovës ka nisur procesin për emërtimin dhe ndryshimin e emrave të rrugëve, shumicave prej të cilave bartin emra sllavë. Kreu i Komunës, Bilall Kasami, tha se me këtë proces çdo qytetar do të ketë adresë të saktë.
“Projekti i emërtimit të shumë rrugëve të cilat i kemi gjetur pa emër, me numra dhe rrugë të cilat edhe sot ne si institucione lokale por edh institucione të tjera qendrore por edhe kompanitë private kanë problem që t’iu dërgojnë qytetarëve fatura të ndryshme apo të komunikojnë në mënyrë të qytetëruar me qytetarët e Tetovës”, tha Kasami
Kreu i LSDM-së, Venko Filipçe, kërkoi që ky proces të zhvillohet me një konsensus të gjerë.
“Vlerësoj se ky proces duhet bë me një konsensus të gjerë, dhe nuk mundë të injorohet një grup njerëzish siç është Lidhja e luftëtarëve të Tetovës të injorohen”, tha Filipçe.
Ndonëse Tetova është komuna më e madhe shqiptare në Maqedoni, shumica e rrugëve ende mbajnë emra të së kaluarës antifashiste.
