Zjarri në hotelin “Grand Kartal” në qendrën turke të skive në Kartalkaya në komunën Bolu, ku humbën jetën 78 persona, është shkaktuar nga një gabim në kuzhinën e hotelit, raportojnë sot mediat turke, duke iu referuar rezultateve të hetimit. .
Gjatë përgatitjeve për mëngjes në hotelin “Grand Kartal”, vaji i nxehtë ka marrë flakë, dhe flakët janë përhapur pas ndërhyrjes së gabuar të stafit të kuzhinës, të cilët kanë tentuar të shuajnë zjarrin me ujë, transmeton portali turk Trend.
Sipas konstatimeve të hetimeve, zjarri është shkaktuar nga spërkatja e vajit të nxehtë në skarë gjatë përgatitjes së mëngjesit dhe zjarri është përhapur si pasojë e ndërhyrjes së gabuar të punonjësve të kuzhinës, të cilët nuk kanë përdorur zjarrfikës, por ujë.
