Dritëro Sefaja është zgjedhur Kryetar i Shoqatës së Trajnerëve të Basketbollit të Kosovës gjatë Kuvendit Zgjedhor të mbajtur në Zyrat e Federatës së Basketbollit të Kosovës.
Njoftimi për këtë zhvillim është bërë nga Federata e Basketbollit e Kosovës.
“Në Kuvendin Zgjedhor morën pjesë 30 delegatë nga 42 sa janë gjithsej. Me 30 vota pro, Dritëro Sefaja u zgjodh për të drejtuar Shoqatën e Trajnerëve të Basketbollit të Kosovës. Pas zgjedhjes, Sefaja ka shprehur angazhimin e tij për të punuar në interes të trajnerëve të basketbollit në Kosovë. Ai ka theksuar se do të bashkëpunojë ngushtë me Federatën e Basketbollit të Kosovës për zhvillimin e lojtarëve dhe trajnerëve në vend”, ka shkruar FBK. “Kuvendi Zgjedhor u udhëhoq nga Bujar Loci, trajneri më i vjetër aktualisht nga të pranishmit, ndërkohë që janë zgjedhur edhe anëtarët e Bordit të Shoqatës: Bujar Loci, Melda Baliqi, Brahim Veseli, Era Shatri, Laureat Ibrahimi dhe Dorant Hana. Po ashtu, në Këshillin Mbikëqyrës të Shoqatës janë emëruar Esat Muharremi, Dren Marseli dhe Hekuran Binxhija”. /Kosovatimes/
