Kryetari i Novi Sadit, Milan Gjuriq, ka njoftuar dorëheqjen e tij të parevokueshme, duke theksuar se ky vendim është një akt përgjegjësie dhe një përpjekje për të ndihmuar në qetësimin e tensioneve dhe ndalimin e ndarjeve në shoqëri.
Duke njoftuar dorëheqjen e tij nga posti i kryetarit të Novi Sadit, Milan Gjuriq e ka përshkruar këtë si një hap të domosdoshëm për qetësimin e tensioneve dhe ndalimin e ndasive në shoqëri.
Ai theksoi se stabiliteti dhe mirëqenia e qytetarëve janë prioritet dhe u shprehu solidaritetin e tij viktimave të dhunës, veçanërisht studentës së sulmuar, duke i uruar shërim të shpejtë.
“Stabiliteti, qetësimi i tensioneve dhe ndalimi i ndasive në shoqëri janë thelbësore për përparimin dhe jetën më të mirë të banorëve të Novi Sadit. Në një kohë kur po përballemi me tensione të mëdha, duke përfshirë edhe sulmin e dhunshëm ndaj një studenteje, të cilës i uroj shërim të shpejtë, e konsideroj marrjen e përgjegjësisë dhe dorëheqjen si detyrimin tim njerëzor dhe politik,” deklaroi Djuriq.
Ai i bëri thirrje institucioneve që të marrin masa për të ndëshkuar autorët e dhunës dhe theksoi rëndësinë e rikthimit të besimit mes qytetarëve.
