Një burrë nga shteti amerikan i Indianës u ndalua dhe u vra nga policia, vetëm pak ditë pasi Presidenti Donald Trump e fali atë për një kundërvajtje në lidhje me sulmin në Kapitol në vitin 2021, raportoi CNN.
Matthew Huttle, 42 vjeç, nga Hobart Township, u qëllua dhe u vra nga një oficer policie i qarkut Jasper të dielën, thanë autoritetet.
Policia e shtetit po heton incidentin dhe tha se oficeri u përpoq të arrestonte Huttle kur “pasoi një sherr mes të dyshuarit dhe oficerit të policisë, që rezultoi në përdorimin e armës nga oficeri dhe plagosjen për vdekje të të dyshuarit”.
Ishte në Kapitol për 16 minuta dhe e regjistroi atë
Nga hetimi rezulton gjithashtu se gjatë ndalimit (të automjetit të tij) i dyshuari mbante armë zjarri”, shtoi policia e shtetit.
Nuk u dhanë detaje të tjera dhe autoritetet nuk thanë se çfarë shkaktoi ndalimin e trafikut. Huttle u dënua me gjashtë muaj burg në vitin 2023 pasi u deklarua fajtor për hyrjen në Kapitol pa autorizim.
Ai udhëtoi në Uashington me xhaxhain e tij për të marrë pjesë në një tubim në mbështetje të Trump më 6 janar 2021.
Huttle ishte në Kapitol për 16 minuta, të cilat ai i regjistroi.
