Protestat do të mbahen sot në të gjithë Greqinë si kundërpërgjigje ndaj përplasjes së trenit të vitit 2023, ku humbën jetën 57 persona, pas publikimit të një regjistrimi të ri audio që ka ripërtërirë vëmendjen për incidentin.
Nën sloganin “Nuk kam ajër”, shoqatat e familjeve të viktimave organizuan protesta sot në të paktën 97 qytete në të gjithë Greqinë dhe 13 qytete në mbarë botën, ndërsa dje u mbajt një protestë në Bruksel, raporton Kathimerini.
Në shkurt 2023, dy trena u përplasën në Luginën e Tempes dhe 57 njerëz vdiqën, dhe regjistrimet audio të publikuara së fundmi treguan se rreth 30 nga ata njerëz i mbijetuan përplasjes dhe më vonë vdiqën nga mbytja ose djegiet.
Shumë prej tyre ishin studentë dhe në regjistrimet audio, të cilat në fakt ishin telefonata të regjistruara nga njëri prej tyre në linjën evropiane të ndihmës 112, dëgjoheshin duke bërë thirrje për ndihmë ose duke luftuar për të marrë frymë.
Sipas Katemerinit, një pjesë e vendit të aksidentit u mbulua me beton dhe zhavorr menjëherë pas incidentit, gjë që shkatërroi provat që mund të ishin vendimtare për hetimin, si dhe eshtrat e viktimave.
