Dy persona janë arrestuar në Prishtinë të mërkurën pasi më 24 janar në Trudë kishin grabitur një pompë të derivateve.
Policia e Kosovës bëri të ditur se të dyshuar janë V.I. 34 vjeç, dhe L.B 33 vjeç.
“Puna e hetuesve policor ka rezultuar me identifikimin dhe arrestimin e personave. Të dyshuar (meshkuj) V.I. 34 vjeç, dhe L.B 33 vjeç, të dy shtetas të Republikës së Kosovës, për të cilët ekziston dyshimi se të njëjtit kanë qenë të përfshirë në rastin e grabitjes”, thuhet në njoftimin e zyrës për informim të PK-së.
Bëhet e ditur se personat e dyshuar me vendimin e prokurorit të shtetit janë ndaluar në mbajtje, përderisa hetuesit po kryejnë të gjitha veprimet e nevojshme hetimore e procedurale lidhur me rastin. /Kosovatimes/
