Ermal Krasniqi pritet të jetë i gatshëm për Sparta Prague në ndeshjen ndaj Bayer Leverkusen, ndërsa edhe Eliot Bujupi është grumbulluar nga Stuttgart për sfidën ndaj Paris Saint Germain.
Sot zhvillohet xhiro e fundit e fazës së parë të Champions League, me disa skuadra që kërkojnë kualifikimin në fazën tjetër. Katër futbollistë të Kombëtares së Kosovës janë pjesë e kësaj gare, por jo të gjithë mund të luajnë. Edon Zhegrova nuk do të luajë për Lille në sfidën ndaj Feyenoord për shkak të një lëndimi, ndërsa në të njëjtën situatë gjendet edhe Albion Rrahmani te Sparta Prague, që nuk do të jetë në dispozicion për duelin kundër Bayer Leverkusen.
Sipas formatit të ri të Champions League, tetë skuadrat e para në renditje kualifikohen direkt në fazën 1/16, ndërsa ekipet nga vendi i nëntë deri në të njëzet e katërt duhet të luajnë në “playoff” për të siguruar një vend në raundin tjetër. Aktualisht, Lille gjendet në vendin e dymbëdhjetë, Stuttgart në vendin e njëzet e katërt dhe Sparta Prague në vendin e njëzet e nëntë. Deri më tani, vetëm Liverpool dhe Barcelona kanë siguruar kualifikimin për fazën tjetër.
