Interfax raporton se autoritetet serbe nuk iu drejtuan Rusisë në lidhje me protestat në vend. “Rusia dëshiron që Serbia të zgjidhë të gjitha problemet sa më shpejt të jetë e mundur”, tha Peskov.
“Jo, autoritetet serbe nuk janë ankuar tek ne. Udhëheqja serbe është në gjendje t’i trajtojë të gjitha problemet vetë”, tha ai në konferencë, duke iu përgjigjur pyetjes së një gazetari nëse autoritetet serbe iu drejtuan Moskës për mbështetje.
“Serbia është një vend i dashur për ne. Ne jemi të lidhur me rrënjë të përbashkëta historike, vlerësojmë miqësinë tonë, ndërveprimin tonë”, vazhdoi ai.
Ai shtoi se ndërveprimi mes dy vendeve do të vazhdojë edhe në të ardhmen.
“Ne dëshirojmë që vëllezërit tanë nga Serbia t’i zgjidhin sa më shpejt të gjitha problemet dhe t’i kthehen zhvillimit paqësor, sistematik”, përfundoi Peskov.
