Policia njoftoi se familja e të vrarës ishte e pakënaqur me mënyrën e veshjes dhe shoqërimit të saj. Policia ka celularin e saj, por është i kyçur. Të gjitha aspektet e mundshme të krimit po hetohen, përfshirë vrasjen për nder.
Së fundmi familja është kthyer në provincën pakistaneze të Balochistanit, d.m.th. në një vend me një shoqëri shumë konservatore. Para kësaj, ajo ka jetuar në SHBA për 25 vjet. I dyshuari për vrasjen ka nënshtetësi amerikane dhe ka theksuar se vajza e tij ka filluar t’i shkaktojë shqetësim për shkak të përmbajtjes në TikTok, të cilën e ka publikuar teksa jetonin në SHBA dhe Pakistan.
Zyrtarët refuzuan të thonë nëse Ambasada e SHBA ishte njoftuar për krimin, duke qenë se ai përfshinte shtetas amerikanë.
Në Pakistan, i cili ka një popullsi prej 241 milionë banorësh, ka më shumë se 54 milionë përdorues të TikTok. Qeveria e këtij vendi e ka bllokuar disa herë këtë aplikacion. Përveç kësaj, 1000 gra vriten çdo vit në Pakistan për shkak të “shkeljes së nderit”, dhe familjarët janë ndër autorët e vrasjes.
“Shkelja e nderit” përfshin edhe postimet individuale në rrjetet sociale apo shkeljen e ndonjë vlere konservatore, shkruan Gazeta Guardian .
