Në 26- vjetorin e masakrës në fshatin Rogovë, Goden dhe Bishtazhin, Partia Demokratike e Kosovës, ka përkujtuar 21 dëshmorët, luftëtarë të Ushtrisë Çlirimtare të Kosovës e civilë, të rënë më 29 janar të vitit 1999 në këtë masakër të kryer nga forcat serbe.
PDK, përmes një postimi në Facebook, përkujton se kanë kaluar 26 vjet dhembje dhe krenari kombëtare, kur ata dhanë gjithçka që patën për Kosovë.
“Sot kujtojmë me nderim 30 dëshmorë dhe martirë të Rogovës së Hasit, Godenit dhe Bishtazhinit të Gjakovës, të cilët u vranë më 27, 28 dhe 29 janar të vitit 1999 nga kriminelët serbë. 26 vjet dhembje dhe krenari kombëtare, për ata të cilët i dhanë gjithçka çka patën Kosovës. Lavdi e përjetshme!”, përkujton PDK në Facebook. /Kosovatimes/
