Zëdhënësi i Lidhjes Demokratike të Kosovës, Besian Mustafa, në konferencën për media ka ftuar qytetarët për mbështetje. Ai tha se ndryshimi është afër, por kanë nevojë për shtytjen përfundimtare.
“Ndryshimi është afër. LDK, po vjen. Mund ta ndieni çdo ditë që kalon. Populli i Kosovës kërkon një të ardhme të re, një të ardhme të ndërtuar mbi përparim të vërtetë. Populli i Kosovës dëshiron rezultate, ata duan që kryeministri i tyre të ketë një viziton për të ardhmen e Kosovës, duan që kryeministri i tyre të ketë një plan konkret për të ardhmen që adreson. Një plan që adreson ekonominë, arsimin shëndetësinë, infrastrukturën, drejtësinë dhe çdo sfidë në jetën e tyre”, tha Mustafa.
Ai shtoi se LDK-ja ka bërë punën e saj, e do të vazhdon tutje deri në fund.
“Tani kemi nevojë për ju, për shtytjen përfundimtare. Bëhu ndryshimi që i duhet Kosovës, votoni LDK, votoni 124”, ishte thirrja e Mustafës karshi qytetarëve, në ditën e njëzetë të fushatës elektorale për zgjedhjet e 9 shkurtit.
