Kryetari i Lidhjes Demokratike të Kosovës (LDK), Lumir Abdixhiku, zhvilloi takimin e fundit të mbrëmjes në lagjen ikonike të Ortakollit, në qendër të Prizrenit, ku u prit me entuziazëm nga qytetarët.
“Sonte, kjo lagje ikonike na tregoi se edhe zemra e Prizrenit është një me LDK-në, ashtu si është e tërë Kosova! Mbështetja qytetare si kjo na ngarkon me përgjegjësi dhe na jep forcë e vendosmëri,” tha Abdixhiku para të pranishmëve.
Ai theksoi se LDK-ja do t’i përgjigjet kësaj mbështetjeje me investime në infrastrukturë, zhvillim ekonomik, shëndetësi dhe arsim modern, duke krijuar më shumë mundësi për të rinjtë.
Fushata e LDK-së po intensifikohet, me Abdixhikun që premton një ndryshim të madh për vendin dhe një fitore të sigurt në zgjedhjet e 9 shkurtit. /Kosovatimes/
