Kandidati për kryeministër nga Partia Demokratike e Kosovës, Bedri Hamza, para qytetarëve në Gjakovë premtoi investime në infrastrukturë, rritje të pagave, arsim cilësorë e modernizim të shërbimeve shëndetësore.
Ai tha se në këto zgjedhje po garojnë me një vizion për zhvillim ekonomik.
“Ne para juve garojmë me një vizion për zhvillim ekonomik e me mbështetje të sektorit privat, pasi ata janë punëdhënësit më të mëdhenj. Do të bëj reforma fiskale, subvencionim për ta e shumë lehtësira të tjera. Ne kemi për qëllim të përkrahim edhe punëtorët, përmes krijimit të Fondit për Punësim e Gjykatës së Punës. Ne angazhohemi për mirëqenie të familjeve tona”, tha Hamza para gjakovarëve
Ndërsa, kandidati për deputet, Hajdar Beqaj, tha se PDK-ja do të bëj investime në infrastrukturë në këtë komunë e do të mbështesë punësimin e të rinjve. “Do t’u japim rinisë sonë shpresën për të ardhmen”, tha Beqaj.
Në këtë tubim, PDK-ja prezantoi edhe kandidatët për nga kjo komunë.
