Kandidati për kryeministër nga Koalicioni AAK, Nisma, konservatorët E- 30 dhe partia Ideal, mbajti tubim zgjedhor me grat e Komunës së Deçanit.
Haradinaj ripërsëriti edhe në tubimin në Deçan se prioritet në programit të tij qeverisës është siguria e anëtarësimi i Kosovës në NATO.
“Që nga themelimi i ushtrisë, me bekimin e Amerikës, që atëherë ne punojmë me hy në NATO, dhe mendoj që prej atyre që garojnë për kryeministër, askush këtë temë më mirë se unë s’mundet me e krye, edhe më në kohë”, tha Haradinaj.
Ai zotohet se me qeverisjen e tij, më nuk do të ketë ngritje të çmimit të energjisë.
“Nga dita që ia nisim e deri sa të shkojmë ne në atë zyre, s’ka me u rrit më çmimi i energjisë. Ka me fillua një zbritje graduale, që nuk po guxoj me thënë se tutna me thënë fjalë kaq herët. Por po ju them se kurrë nuk ka me u rrit çmimi i energjisë, kurrë nuk ka me ju ardh fatura një centë sesa që ju ka ardh e pas 3 viteve e zbresim”, tha Haradinaj.
Para mbështetësve votën për zgjedhjet e 9 shkurtit e kërkuan edhe kandidatët për deputet.
Koalicioni AAK, Nisma dhe partnerët e tjerë premtuan edhe rritje pagash, arsim dinjitoz, çerdhe, pensione si dhe pagën minimale prej 500 eurosh.
