I është dhënë lamtumira e fundit ish-kryetarit të Shoqatës së Invalidëve të Luftës së Ushtrisë Çlirimtare të Kosovës, Vehbi Rafuna. Ai kontribuoi për lirinë e vendit dhe krijimin e institucioneve, thanë bashkëveprimtarët e Rafunës.
Atdhedashurinë dhe përkushtimin për liri nuk e kishte vënë në dilemë asnjëherë. Për këtë i kontribuoi lirisë së vendit dhe krijimit të institucioneve, ushtari dhe veterani i UÇK-së, Vehbi Rafuna. I tillë ishte dhe i tillë mbeti deri në frymën e fundit të jetës, tha bashkëveprimtari i tij Avdullah Prapashtica.
Humbja e tij është humbej edhe për Dardanën edhe për UÇK edhe goditje e rëndë edhe për Kosovën edhe për Shqipërinë etnike, Vehbi Rafuna i ka takuar plejadës së Ushtrisë Çlirimtare të cilët nga lufta për çlirim dhe bashkim kombëtar vetëm vdekja ka mund me i nda.
Vehbi Rafuna sot shkoi dhe iu bashkua lutëtarëve të lirisë në alenë e të mëdhenjve të kombit sepse edhe pas 12 qershorit kurrë nuk e ndali luftën për realizimin e amanetit të heronjve të kombit.
Jeta dhe vepra e Vehbi Rafunës, pavarësisht sfidave të kohës, ishte shëmbëlltyrë për liri të atdheut dhe për përkushtimin që frytet e lirisë të ruhen dhe t`i gëzojnë gjeneratat e reja.
