Në përvjetorin e rënies së tre heronjve, vendlindja e Zahir Pajazitit organizon dhurim gjaku

“Ditët Historike të shënuara me gjak, nderohen duke dhuruar gjak”, është motoja e banorëve të vendlindjes së heroit Zahir Pajaziti, të cilët do të organizojnë dhurimin e gjakut. Kjo nismë organizohet për nder të 28 vjetorit të rënies së tre heronjve të kombit   , Zahir Pajaziti, Hakif Zejnullahu dhe Edmond Hoxha. Këshilli organizativ i fshatit Orllan, me këtë rast ka ftuar gjithë qytetarë në nivel vendi të jenë pjesë e aktivitetit për nder të heronjve. Të premten më 31 janar nga ora 10 deri në orën 14.00 kulla e Zahir Pajazitit do ti hap dyert për të pritur qytetarët të cilët do të kenë mundësinë të dhurojnë gjak për të nderuar heronjtë.