Kandidati për kryeministër nga LDK, Lumir Abdixhiku, sot ka mbajtur tubim elektoral me qytetarët e Vitisë. ku premtoi investime që do ta përmirësojnë jetën e qytetarëve të kësaj komune.
Ai tha se do realizojë projekte të rëndësishme në shumë fusha, ndërsa do t’u ndihmojë kategorive të ndryshme shoqërore.
“Po shihet shumë qartë edhe këtu më Viti, në shtëpinë e kamotshme, besnike të LDK se ndryshimi tashmë është afër. Po e dëshmon ky masivitet i madh i tubimit tonë. Vitia vazhdon që të ketë forcë e madhe e LDK-së. LDK-ja është ngritur përfundimisht në këmbë dhe me 9 shkurt shënon fitoren e madhe historike të rikthimit masiv. Programi i LDK prej themelimit e deri më sot është program i popullit të Kosovës, ka buruar nga populli i Kosovës dhe i përgjigjet vetëm popullit të Kosovës”, ka thënë ai. Abdixhiku deklaroi se ka ardhur koha për t’ua dhënë qytetarëve programin model të zhvillimit.
Ndërsa kryetari i komunës së Vitisë, Sokol Haliti tha se programi i LDK-së është program zhvillimor.
