Kandidati për Kryeministër nga PDK, Bedri Hamza, gjatë një tubimi elektoral në Vushtrri, premtoi se do të fokusohet në zhvillimin ekonomik, duke u përqendruar në eksportet dhe investimet e rëndësishme.
Ai njoftoi se ka një plan konkret për ndërtimin e rrugës rajonale Barilevë – Bajgorë, që do të hapë mundësi për zhvillimin e turizmit, funksionalizimin e zonës industriale dhe krijimin e vendeve të reja të punës.
“Do t’ju japim forcën dhe emergjencën që meritoni. Në 9 shkurt, do të vendosim për Kosovën. Pagat do të rriten me 50%, pensionet bazike do të rriten me 70%. Të drejtat e veteranëve dhe punësimi nuk do të shqetësohen. Do të zhvillojmë ekonominë dhe do të hapim vende pune përmes investimeve nga bizneset e huaja. Arsimi do të sigurojë të ardhme, me krijimin e fondit për bursa dhe shkolla profesionale dhe universitete me standarde evropiane. 150 milionë euro do të alokohen për barna esenciale”, tha Hamza.
Kryetari i PDK, Memli Krasniqi, u kërkoi mbështetësve të Vushtrrisë që të punojnë së bashku për ndërtimin e një të ardhmeje më të mirë.
“Një lider që e mban fjalën është ai që punon, jo që ankohet. Bedri Hamza e di se ekonomia zhvillohet me punë, jo me fjalë. Tani është koha për të ndërtuar një të ardhme më të mirë”, tha Krasniqi.
Në këtë tubim, u prezantuan edhe katër kandidatët e PDK-së për deputetë nga rajoni i Vushtrrisë.
