Kryeministri izraelit Benjamin Netanyahu emëroi sot gjeneralmajor Eyal Zamir si Shef të ri të Shtabit të Forcave të Mbrojtjes të Izraelit (IDF), pas dorëheqjes së gjeneralit Herzi Halevi, transmeton Anadolu.
“Kryeministri Benjamin Netanyahu dhe ministri i Mbrojtjes Israel Katz kanë rënë dakord të emërojnë gjeneralmajor Eyal Zamir si shefin e ardhshëm të shtabit të IDF”, tha zyra e kryeministrit në një deklaratë të shkurtër.
Zamir aktualisht shërben si Drejtor i Përgjithshëm në Ministrinë e Mbrojtjes dhe do të marrë detyrën e re pasi dorëheqja e Halevit të hyjë në fuqi më 6 mars.
Halevi dha dorëheqjen muajin e kaluar, duke përmendur dështimet në lidhje me sulmet e Hamasit më 7 tetor 2023.
