Drejtoria Rajonale e Policisë në Ferizaj ka bërë apel për bashkëpunim me qytetarët në kërkimin e një personi të zhdukur, Bekim Shaban Vari, i cili ka humbur pa lënë gjurmë që nga data 22 janar 2025.
Ai është raportuar i zhdukur nga familjarët dhe deri tani nuk ka asnjë informacion për vendndodhjen e tij.
Bekim Shaban Vari, i lindur më 01.03.1987, është i gjatë 1.85 cm, ka flokë të zezë dhe peshon rreth 90 kg. Në momentin e largimit, ai ishte veshur me një pallto të gjelbër me kapelë.
Policia e Ferizajit ka ndërmarrë kërkime të vazhdueshme, por ende nuk ka mundur të gjendet. Çdo informacion për vendndodhjen e tij mund të dërgohet në stacionet policore më të afërta, përmes aplikacionit “Lajmëro Policinë”, ose në numrat e telefonit:
192
0290/326-250
0290/322-406
Policia siguron se çdo informacion do të trajtohet me konfidencialitet të plotë.
