Pesë persona kanë mbetur të lënduar si pasojë e një aksidenti te “Rruga B” në Prishtinë.
Aksidenti ka ndodhur në mes të shtatë automjeteve, konfirmon për RTKlive zëdhënësja e Policisë për rajonin e Prishtinës, Flora Ahmeti.
“Sot rreth orës 12:00 kemi pranuar informatën se në rrugën B në Prishtinë, ka ndodhur një aksident trafiku me lëndime. Në këtë aksident kanë qenë të përfshira shtatë automjete( 4 prej tyre në lëvizje ndërsa 3 të parkuara)”, ka konfirmuar ajo.
Me rastin po vazhdon të merret njësiti i trafikut të kryeqytetit.
