Në një tubim të mbajtur në Drenas, kandidati për kryeministër nga koalicioni për Kosovën Fituese, Ramush Haradinaj prezantoi planin për këtë komunë.
“Drenasi meriton më shumë dhe do të marrë më shumë,” u shpreh Haradinaj.
Ai ka prezantuar projektin e rrugës katër-korsi Drenas-Skenderaj dhe furnizimin 24-orësh me ujë të pijshëm për të gjithë banorët. Plani i këtij koalicioni po ashtu parasheh ndërtimin e çerdheve publike dhe një stadiumi të ri, si dhe themelimin e Parkut të dytë të Biznesit në Korroticë.
Në fushën e politikave sociale, kandidati për kryeministër nga koalicioni AAK – NISMA – Lista Konservatore dhe Forumi Intelektual E-30, premtoi se s’do të ketë pagë nën 1000 euro dhe asnjë pension nën 500 euro.
“Do të ulim çmimin e energjisë për 20% dhe do të trefishojmë subvencionet për bujqit,” shtoi ai.
