UDHËHEQJA e partisë së ekstremit të djathtë Alternativa për Gjermaninë (AfD), Alice Weidel, është planifikuar të takohet me kryeministrin hungarez Viktor Orbán në Budapest javën e ardhshme.
Heidel, kandidatja e AfD-së për kancelare në zgjedhjet e ardhshme gjermane, konfirmoi informacionin se do të vizitonte Orbanin në platformën X.
“Faleminderit për ftesën, kryeministër Viktor Orban, mezi pres t’ju takoj”, ka shkruar ajo.
Orban më parë i tha gazetës zvicerane Neue Zürcher Zeitung se Weidel kërkoi takimin.
Udhëheqësi populist hungarez ka shprehur mbështetjen për AfD dhe javën e kaluar përshëndeti një propozim të diskutueshëm që, me mbështetjen e partisë së ekstremit të djathtë, kaloi parlamentin gjerman.
“AfD mund të marrë 20 për qind të votave. Nëse lideri i partisë dëshiron të flasë me mua, pse do të refuzoja? Nëse kancelari gjerman Olaf Scholz do të donte të bënte të njëjtën gjë, unë do ta pranoja atë. Por nuk është një rrezik urgjent.”
Zëdhënësi i AfD-së, Daniel Tapp tha se Weidel po udhëton për në Budapest për t’u takuar me Orban midis 11 dhe 12 shkurtit.
