Vendet anëtare të NATO-s duhet të rrisin shpenzimet e mbrojtjes për të parandaluar luftën, tha kreu i aleancës ushtarake Mark Rutte në një konferencë shtypi në Bruksel. “2% e PBB-së nuk mjafton për të na mbajtur të sigurt. Ne duhet të shpenzojmë shumë më shumë,” shtoi Rutte .
Përveç kësaj, sipas kreut të NATO-s, vendet e BE-së nuk do të mund të mbrohen pa pjesëmarrjen e Shteteve të Bashkuara. Rutte shprehu besimin se tensionet tregtare midis SHBA dhe Kanadasë nuk do të ndikojnë në mbrojtjen kolektive.
Rutte përmendi shembullin e luftës së Rusisë kundër Ukrainës, për të cilën ai tha se nuk ishte vetëm një konflikt midis Moskës dhe Kievit, por edhe një “çështje gjeopolitike”. Sipas kreut të NATO-s, BE dhe SHBA së bashku janë të afta të mbrojnë territorin e përbashkët.
Për më tepër, Rutte vuri në dukje se Shtetet e Bashkuara janë nën kërcënim nga Koreja e Veriut për shkak të zhvillimit të raketave balistike nga Pheniani.
Në takim mori pjesë edhe kryeministri britanik Keir Starmer. Ai theksoi se Londra nuk bën zgjedhje mes SHBA-së dhe BE-së në çështjet e mbrojtjes.
Më herët, liderët e një sërë vendesh të BE-së, të cilat janë edhe anëtarë të NATO-s, deklaruan gatishmërinë e tyre për të vazhduar rritjen e shpenzimeve për mbrojtjen – kjo është një nga kërkesat e presidentit amerikan Donald Trump. Është ende e paqartë se si do të financohet rritja e buxheteve të mbrojtjes, duke pasur parasysh problemet ekonomike që përjetojnë shumë vende evropiane.
Një numër vendesh janë kategorikisht kundër rritjes së borxhit në nivel pan-evropian. Megjithatë, disa liderë thonë se Europa nuk duhet të mbrohet pa Shtetet e Bashkuara.
