Kandidati për kryeministër nga Partia Demokratike e Kosovës, Bedri Hamza në tubimin elektoral me qytetarët e Gjilanit, tha se këtij qyteti do t’ju kthehen investimet duke premtuar përfundimin e Autostradës së Gjilanit.
“Autostratda do të bëhet realitet në vitin e parë, do të lidhet edhe Kamenica. Po ashtu, autostrada do të lidhet me autostradën ‘Arbër Xhaferi’ dhe Rrugën e Kombit”. Dhe do të përfundojë edhe Stadiumi i Gjilanit”, theksoi ai.
Hamza premtoi edhe rritje të pagave e pensioneve si dhe investime në arsim e shëndetësi.
“Programi ynë qëndron në zhvillimin ekonomik. Do t’i përkrahim bizneset me politikat fiskale. Do këtë rritje të pagave 50%, pensioneve 70%, kurse familjeve të dëshmorëve 50%.Do të bëjmë digjitalizim për arsim dhe paga të dinjitetshme për arsimtarët. 25 milionë euro bursa për studentët. 150 milionë euro për barna esenciale”, shtoi Hamza.
Kryetari i degës së PDK-së në Gjilan, Riad Rashiti tha se me Bedri Hamzen kryeministër, do të realizohen projekte të rëndësishme për qytetarët e Gjilanit dhe mbarë Anamoravës.
“Pjesëmarrja juaj është dëshmi që qytetarët e Gjilanit po e kthejnë besimin ndaj PDK-së. Me një vizion të qartë dhe me kryeministrin Hamza, Kosova mundët më mirë. Me Bedri Hamn kryeministër, në Gjilan dhe Anamoravë do të realizohen shumë projekte”
Partia Demokratike e Kosovës prezantoi edhe kandidatët për deputetë nga Gjilani.
