Kandidati për kryeministër i PDK-së, Bedri Hamza ka vazhduar fushatën zgjedhore në komunën e Fushë Kosovës.
Hamza tha se karvani i PDK-së çdo ditë e më shumë po rritet e fitorja e kësaj partie, sipas tij, është e pashmangshme si garancë e qeverisjes katër vjeçare të Kosovës.
Kandidati për kryeministër nga PDK edhe në këtë tubim u zotua për rritjen e pensioneve dhe të gjitha kategorive të dala nga lufta, ndarjen e 25 milionë euro për bursa studentore e po ashtu ndarjen e 150 milionë eurove për barnat esenciale.
Sipas tij, standardi i jetesës së qytetarëve është përkeqësuar, e fokusi i tij është edhe zhvillimi i hovshëm ekonomik në mbështetjen e bizneseve dhe qytetarëve.
