Kryetari i Iniciativës së Re Demokratike të Kosovës, Elbert Krasniqi, dhe prijësi i listës zgjedhore të këtij subjekti politik që ka në garë 41 kandidatë për deputet në zgjedhjet e 9 shkurtit, ka thënë se prioritet i tyre do të jetë mbështetja ndaj fermerëve, si kategori me rëndësi të veçantë.
“Fermerë do të jenë prioritet ynë gjatë mandatit të radhës. Fermerët do t’i mbështesim si kategori me rëndësi të veçantë e cila siguron bukën duke punuar tokën. Shembulli i ynë janë edhe fermerët nga Dubrava të cilët njihen për punëtorë të ndershëm dhe njerëz të fjalës, të cilët do t’i mbështesim fuqishëm dhe me çdo kusht”, thotë Krasniqi.
