Një seancë për një çështje vrasjeje në një sallë gjyqi në Albuquerque u shndërrua në një skenë kaotike kur dy të afërm të viktimës sulmuan fizikisht të pandehurin.
Në sallën e gjyqit ka pasur kaos.
Incidenti ndodhi kur dy burra, Carlos Lucero dhe Pete Ysasi, u hodhën mbi një barrierë galerie dhe sulmuan një burrë të akuzuar për vrasjen e kushëririt të tij. Situata u përshkallëzua kur në konflikt u përfshinë një tjetër i burgosur dhe babai i të pandehurit.
Një roje burgu tentoi të ndërhynte gjithashtu, por edhe ai u sulmua gjatë konfrontimit, raporton BBC .
Policia reagoi menjëherë, arrestoi Lucero dhe Ysasi dhe i akuzoi për sulm ndaj një zyrtari. Një e dyshuar femër e përfshirë në incident është ende e lirë dhe autoritetet kanë lëshuar një urdhër arresti.
